Gwirfoddolwyr y Groes Goch - Wrecsam

Recruiter
BRITISH RED CROSS 11
Location
Wrexham (Wrecsam)
Posted
02 Nov 2018
Closes
15 Dec 2018
Sector
Charity
Contract Type
Permanent
Hours
Full Time

Gwirfoddolwyr y Groes Goch - Wrecsam

Rhannwch eich caredigrwydd ledled Wrecsam


Ers 1870, mae'r Groes Goch Brydeinig wedi bod yn helpu pobl mewn argyfwng. Rydyn ni'n falch o fod yn fudiad niwtral, annibynnol a diduedd; ein nod yn syml yw canolbwyntio ar roi cymorth i'r bobl y mae fwyaf ei angen arnynt.

Gall gweithredoedd bach, caredig wneud gwahaniaeth mawr i'r rheini sydd mewn argyfwng, a dyna pam mae arnom angen gwirfoddolwyr o bob cwr o Wrecsam i ymuno a ni.

Dyma rywfaint o'r gwaith rydyn ni'n ei wneud
Hyd yn oed os nad ydych chi'n si?r sut gallwch chi helpu, os ydych chi'n 15 oed neu'n h?n ac yn teimlo'n angerddol dros ein hachos, byddwn yn croesawu'r cyfle i sgwrsio a chi am sut gallech chi gymryd rhan.

Mae crynodeb o rai (ond nid pob un) o'r gwasanaethau rydyn ni'n eu cynnig ledled y sir ar hyn o bryd i'w weld yma:

Byw'n Annibynnol

  • Gwasanaeth ailsefydlu tymor byr - Gwasanaeth tymor byr yn Ysbyty Maelor Wrecsam yw hwn, sydd wedi'i lunio i gefnogi'r rheini sydd ar fin gadael yr ysbyty, neu sydd wedi gadael yr ysbyty'n ddiweddar, drwy ddarparu gwybodaeth berthnasol a chymorth ymarferol i'w helpu i ddod i arfer byw ar eu pen eu hunain eto.
  • Prosiect Camau Cadarn - Partneriaeth ar y cyd rhwng y Groes Goch Brydeinig a'r Gwasanaeth Gwirfoddol Brenhinol sy'n rhoi cymorth i bobl dros 50 oed sydd wedi profi argyfwng personol a/neu drawma, ac y mae angen cymorth arnynt i ailgysylltu a'u cymuned.
  • Lles yn y Gymuned - mae'r gwasanaeth hwn yn chwarae rol hollbwysig yng ngwasanaeth Un Pwynt Mynediad Wrecsam, drwy ddarparu gwybodaeth, cyngor a chymorth i bobl a gweithwyr proffesiynol yn y gwasanaethau cymdeithasol. Mae'n cyfeirio pobl at sefydliadau yn y trydydd sector, yn ogystal a chefnogi pobl i gyflawni eu nodau ac i ofalu am eu lles eu hunain.


Ymateb i Argyfwng

  • Ymateb i Argyfwng - Rydyn ni'n gweithredu system rota "bob dydd" ar gyfer ymateb i argyfyngau yn Wrecsam. Mae'n golygu bod gwirfoddolwyr ar alwad ac yn barod i ymateb pe bai gofyn i ni ymateb i unrhyw argyfwng, fel tan neu lifogydd, yn yr ardal leol.
  • Canolfan Lles - Caiff y gwasanaeth ei weithredu o Hafan y Dref yng nghanol tref Wrecsam, a'i fwriad yw tynnu rhywfaint o bwysau oddi ar Adran Damweiniau ac Achosion Brys Ysbyty Maelor Wrecsam a Heddlu Gogledd Cymru. Rydyn ni'n cynnig cymorth i'r rheini sydd wedi dod i fwynhau noson allan yn Wrecsam ond y mae rhywbeth annisgwyl wedi digwydd, drwy ddarparu triniaeth cymorth cyntaf a chefnogaeth emosiynol.


Gwasanaeth i Ffoaduriaid ac Adfer Cysylltiadau Teuluol

  • Gwasanaeth Galw Heibio i Ffoaduriaid a Cheiswyr Lloches - Byddwn yn cynnig Gwasanaeth Galw Heibio i Ffoaduriaid a Cheiswyr Lloches yn Eglwys Fethodistaidd Wrecsam bob dydd Llun a dydd Iau. Mae hwn yn wasanaeth hollbwysig sy'n rhoi'r cyfle i ffoaduriaid a cheiswyr lloches gwrdd a'i gilydd ac i deimlo'n llai unig ac ynysig.
  • Prosiect Ailsefydlu Teuluoedd o Syria - Rydyn ni'n rhoi cymorth i nifer o deuluoedd o Syria sydd wedi dod i fyw i sir Wrecsam. Mae hyn yn cynnwys eu helpu i integreiddio yn y gymuned leol drwy eu helpu i gael mynediad at y gwasanaeth gofal iechyd a chael gwybodaeth am drafnidiaeth leol ac ati.


Cymhorthion Symud

  • Cymhorthion Symud - Gwasanaeth yn Ysbyty Maelor Wrecsam lle rydyn ni'n rhoi benthyg cadeiriau olwyn a chymhorthion symud i bobl. Mae hyn yn caniatáu i bobl fynd adref o'r ysbyty yn gynt, yn gwella eu lles a'u hiechyd meddwl, yn golygu eu bod yn gwella'n gyflymach, a'u bod yn gallu mynd yn ol i'r gwaith a'r ysgol yn fuan a theimlo'n llai ynysig. Yn ystod 6 mis cyntaf 2018, fe wnaethom roi benthyg bron i 300 o ddarnau o gyfarpar i bobl.

Addysg

  • Cymorth Cyntaf o ddydd i ddydd - Rydym yn cynnig addysg cymorth cyntaf i sefydliadau sy'n rhoi cymorth i bobl agored i niwed, fel pobl ddigartref, pobl sy'n gaeth i gyffuriau neu alcohol, a phobl h?n dros 65 oed. Mae pobl yn y grwpiau hyn yn fwy tebygol o gael anaf neu fynd yn sal yn gyflym, neu ddod i gysylltiad a rhywun y mae angen cymorth arnynt. Rydyn ni wedi cynnal sesiynau cymorth cyntaf yn Wrecsam i sefydliadau fel gwasanaeth Camddefnyddio Sylweddau'r GIG yn Grove Road, Hafal yn Hightown, Sefydliad y Merched a Phartneriaeth Parc Caia.

Bwrw ymlaen
Efallai nad ydym yn recriwtio pobl ar gyfer pob un o'r gwasanaethau hyn ar hyn o bryd ond os hoffech chi wybod sut gallwch chi rannu eich caredigrwydd ledled Wrecsam a'n helpu ni i ddarparu ein gwahanol wasanaethau, cysylltwch a ni.

Gallwch naill ai gyflwyno datganiad o ddiddordeb drwy glicio "Gwneud Cais Ar-lein" neu anfon e-bost at a bydd rhywun o'r tim recriwtio a dethol yn cysylltu a chi cyn pen ychydig ddyddiau i drafod eich diddordeb ymhellach.

Similar jobs

Similar jobs